വള്ളിചെരുപ്പ്

 ഒരു സിനിമയെ കുറിച്ച് അഭിപ്രായം ആധികാരികമായി പറയാൻ എനിക്ക് അറിയില്ല എന്നതാണ് എന്റെ ധാരണ.

എന്നാൽ അത്യാവശ്യം സമൂഹത്തിൽ നടക്കുന്ന കാര്യങ്ങൾ കണ്ടും കെട്ടും ഉള്ള ബോധം വച്ച്, വള്ളിചെരുപ്പ് കണ്ട അനുഭവം കുറിച്ചിടാം എന്ന് കരുതി.

ആദ്യമായ് തന്നെ ഞാൻ എന്തിന് ഈ സിനിമയുടെ മാത്രം അനുഭവം കുറിക്കുന്നു എന്നൊരു സ്വാഭാവികമായ ചോദ്യം ഉയരാം; കാരണം ഇത് എന്റെ സുഹൃത്ത് ദേവിക സംഭാഷണം എഴുതിയ സിനിമയാണ്😍 അഭിമാനം ഉണ്ട്, ഒപ്പം ഞാൻ എപ്പോഴും വിചാരിക്കുന്ന ഒരു കാര്യം while others are talking the talk, some people will be walking the talk.

ഒരുപക്ഷെ എന്റെ പരിചയക്കാരി/സുഹൃത്തിനെ ഞാൻ അമിതമായി പ്രശംസിക്കുന്നു എന്ന് നിങ്ങൾക്ക് തോന്നിയാൽ, ഞാൻ എന്റെ സുഹൃത്തുക്കളെ പ്രത്യക്ഷമായും പരോക്ഷമയും പ്രശംസിക്കാൻ ഒരു മടിയും ഇല്ലാത്തൊരു വ്യക്തിയാണ്. My appreciation for your constant efforts in reaching your dream destination, Devika❤️

സിനിമയിലേക്ക് വന്നാൽ,

നമ്മുടെ ചുറ്റുപാടും രണ്ടു തരത്തിൽ ഉള്ള മാതാപിതാക്കളെ കാണാം, കുഞ്ഞുങ്ങൾക്ക്‌ നല്ലൊരു ബാല്യം സമ്മാനിക്കുന്നവരും, കുഞ്ഞുങ്ങളുടെ ബാല്യത്തെ തച്ചുടക്കുന്നവരും (toxic parenting നെ പറ്റി എപ്പോൾ പറഞ്ഞാലും എതിരഭിപ്രായങ്ങളാണ് ഞാൻ കൂടുതൽ കെട്ടിട്ടുള്ളത്, അതിനാൽ ഇവിടെ അതിനെപ്പറ്റി ഞാൻ സംസാരിക്കാൻ ആഗ്രഹിക്കുന്നില്ല !)

നിങ്ങൾക്ക് നല്ലൊരു ബാല്യം തന്ന മാതാപിതാക്കൾ തീർച്ചയായും നല്ലൊരു വാർദ്ധക്യം അർഹിക്കുന്നുണ്ട്. എന്ന് വച്ച് നിങ്ങളുടെ ജോലി, നിങ്ങൾ ഉണ്ടാക്കിയ കുടുംബം എല്ലാം വേണ്ടെന്ന് വച്ച് അവർക്കൊപ്പം നിൽക്കണം എന്നല്ല, മറിച്, നിങ്ങൾ ഉണ്ടാക്കിയ കുടുംബംത്തോട് കാണിക്കുന്നതിൽ മൂന്നിൽ ഒരു ഭാഗം സ്നേഹവും കരുതലും 'എങ്കിലും' നിങ്ങൾ വന്ന കുടുംബത്തോടും നിങ്ങളെ സമാധാനത്തോടെയും സ്നേഹത്തോടെയും വളർത്തിയ മാതാപിതാക്കളോടും കാണിക്കുക. എല്ലാത്തിനും ഒടുവിൽ അമ്മേ അല്ലെങ്കിൽ അച്ഛാ എന്ന് വിളിക്കുമ്പോൾ വിളി തരാൻ കഴിയാത്ത വിധം വെള്ളപുതച്ചൊരിക്കൽ അവർ കിടക്കുമ്പോൾ കണ്ണിൽ നിന്ന് കണ്ണുനീരല്ല രക്തം വന്നാലും അത് വ്യർത്ഥമാണ്.

ഇതൊരു സന്ദേശം മുന്നോട്ടു വയ്ക്കുന്ന സിനിമയാണ്, പരസ്യങ്ങളുടെ കുറവോ  അതോ കാണ്ണഞ്ചിപ്പിക്കുന്ന താര നിര ഇല്ലാത്ത കൊണ്ടാണോ ആണോ എന്നറിയില്ല എന്നെ സംബന്ധിച്ച് ഈ സിനിമ കുറച്ച് കൂടി ആൾകാരിൽ എത്തേണ്ടതുണ്ട്.

വള്ളിചെരുപ്പ് ഒരു നല്ല സിനിമ ആയി ഞാൻ കണക്കാക്കുന്നു, കുറച്ചു കൂടി പ്രേക്ഷകരെ അർഹിക്കുന്ന ഒരു നല്ല സിനിമ. വളരെ മികച്ച അഭിനയം കാഴ്ച വയ്ക്കാൻ ഓരോ കഥാപാത്രങ്ങളും ശ്രമിക്കുകയും അതിൽ വിജയിക്കുകയും ചെയ്തിട്ടുണ്ട്.

വെള്ളായണിയുടെ ഗ്രാമീണഭംഗി നിറഞ്ഞു നിൽക്കുന്ന ഓരോ ഫ്രെയിമും മനസ്സിൽ ഒരു ഗൃഹാതുരത്വം ഉണർത്തുന്നു. ക്ലൈമാക്സ്‌ രംഗങ്ങളിലെ പശ്ചാത്തല സംഗീതം കാഴ്ചക്കാരുടെ മനസ്സിൽ ആ ഭാഗങ്ങൾ വിങ്ങലോടെ അലയടിക്കാൻ കാരണമായവയാണ്.

കാലം മുന്നോട്ട് പോകുമ്പോൾ മലയാള സിനിമാ പ്രേക്ഷകർക്ക്‌ ഇത്തരം മൃദുല ഭാവങ്ങളോടുള്ള താത്പര്യം കുറയുന്നതായി എനിക്ക് വ്യക്തിപരമായി തോന്നിയിട്ടുണ്ട്. അത്തരം ചിത്രങ്ങളെ അവാർഡ് പടം എന്ന് വിളിച്ചു മാറ്റി നിർത്തുന്നതായും എനിക്ക് തോന്നിയിട്ടുണ്ട്. ഇത് കാല ക്രമേണെ കൂടുന്നതായി തോന്നുന്നു. മലയാള സിനിമാ പ്രേക്ഷകർ ബുദ്ധിയുള്ളവരാണ്, അവരുടെ നിലവാരം കൂടുതൽ ആണ് എന്നിരുന്നാലും ആക്ഷൻ, റൊമാൻസ് തുടങ്ങിയ തലങ്ങൾ തൊട്ടുള്ള സിനിമകൾ മാത്രമല്ല സമകാലിക പ്രസക്തിയുള്ള വള്ളിചെരുപ്പ് പോലുള്ള 'സിനിമകളിലേക്കും' മലയാളികൾ തീർച്ചയായും മടങ്ങി വരും എന്ന് ഞാൻ പ്രതീക്ഷിക്കുന്നു.

- ശുഭ